هەمەڕەنگ

چەند زانیاریەک لەسەر باخچەی کۆشکی سپی


کۆشکی سپی دادەندرێت بە یەکێک لە بارگا گرنگەکانی سەرۆکایەتی لە جیھاندا،کە لە باخچە و کۆمەڵگەی کۆشی سپی پێکھاتوە کە بە دەوریدا لە بارەگا و ھۆبەی ڕۆژھەڵات و ڕۆژئاوا پێکدێت.

زۆر کات ئەو سەرۆکانەی سەردانی ئەمریکا دەکەن لەگەڵ سەرۆکی ئەمریکادا گەشتێک بەناو باخچەی کۆشکی سپیدا ئەنجامدەدەن.

یەکێک لە تایبەتمەندیەکانی کۆشکی سپی بوونی کۆمەڵێک باخچەیە،مێژوی دروستکردنی یەکەم باخچەش دەگەڕێتەو بۆ ساڵی 1800 بۆ ئەوەی سەوزە و میوە نەکڕن سەرۆکی دوھەمی ئەمریکا (John Adams) و خێزانەکی باخچەیەکیان لە کۆشکی سپیدا دروستکرد.

لە پاش ئەویش سەرۆکی سێھەمی ئەمریکا(Thomas Jefferson) پەرەی زیاتری بەم باخچەیەدا داو درەختی میوە و باخچەی گوڵی تێدا دروستکرد.

(John Quincy Adams) سەرۆکی شەشەمی ئەمریکاش درەختی زیاتر وسەوزە و  و میوەی تێدا چاندا،سەرۆکی حەوتەمی ئەمریکاش(Andrew Jackson) خانوی شوشە بەندی بۆ ڕوەک دروستکرد.

ئەوەی جێی ئاماژەیە لە جەنگی جیھانی یەکەمدا باخچە گرنگی زۆری پێدراوە،وە سیستمی بەشە خۆراکی لە کۆشکی سپیدا پەیڕەودەکرا. 

لە جەنگی جیھانی دووھەمیشدا سیودوھەمین سەرۆکی ئەمریکا (Franklin Roosevelt) بەھۆی کەمبوونەوەی مادەی خۆراکیەوە وەک ھاندانێکی خەڵکی بۆ گرنگیدان بە کشتوکاڵ بەڕێژەی %40 بەربوومی کشتوکاڵی لە کۆشکی سپیدا چاند. 

بیل کلنتۆن و ھیلاری خێزانی باخچەیەکیان لەسەر سەربانی کۆشکی سپیدا دروستکرد.

لە دوای گەیشتی ئۆباماش بە دەسەڵات میشێل ئۆباما باخچەی چێشتخانەی بە ڕوبەری ھەزار و سەد پێ چوارگۆشە دروستکرد،کە تێیدا ٥٥ جۆر لە سەوزەی تێدا چێندرا،لەگەڵ کۆمەڵێک زۆر لە میوە کە خواردنی خێزانی ئۆباما و ئەو میوانانەی سەردانی کۆشکی سپیان دەکرد لێی دابین دەکرا.
ئەوەی جێی ئاماژەیە میشێل ئۆباما ئەم باخچەی لە کاتی ھەڵمەتی دانانی سنورێک بۆ قەڵەوی منداڵان بنیاد نا.

ئەم ڕێگایەی بەکارھێنا بۆ گرنگی دانی زیاتر بە سەوزە و میوە و خۆراکی ماڵەوە و دورکەوتنەوە لە خواردنی دەرەوە.،باخچەکەی وەک منداڵێکی خۆی وەسف کرد و ھیوای خواست ئەو کەسانەی لەدوای ئۆباما دێنە دەسەڵات گرنگی بەم باخچەیە بدەن.

لەدوای وەرگرتنی دەسەڵاتیش لەلایەن دۆناڵد ترامپەوە خانمی یەکەمی ئەمریکا میلانیا ترامپ بڕیاری دا گرنگی بە باخچەکانی کۆشکی سپی بدات بە تایبەتیش باخچەی چێشتخانە.



5 مانگ پێشتر - Apr 30 2017 10:00AM
Print Friendly and PDF
زیاتر
123