تەکنەلۆژیا

پێشانگای نێودەوڵەتی بەیجین لە ناوەڕاستی مانگی ئەیلول بەڕێوەدەچێت


 

بە گوێرەی هەواڵێکی ئاژانسی "China Daily"، ٢٣هەمین پێشانگای نێودەوڵەتی "بەیجین ئێکسپۆ" کە تایبەتە بە نمایشکردنی ئامێرە تەکنۆلۆژییە هۆشمەندەکان، لە بەرواری ١٧ بۆ ٢٠ی مانگی ئەیلول لە شاری بەیجینی پایتەختی چین بەڕێوەدەچێت و تێیدا دوایین پێشکەوتن و دا‌هێنانەکانی بواری تەکنۆلۆژیا نمایش دەکرێن.

 

بە پێی هەواڵەکە، ئەنجومەنی پاڵپشتیکاری بازرگانی نێودەوڵەتی چین ڕایگەیاندووە، کە پێشانگاکەی ئەمساڵ لەسەر ڕووبەری ٣٠ هەزار مەتر چوارگۆشە بەڕێوەدەچێت و تێیدا ٩ نمایشی بە بازاڕکردن و ٢ کۆڕی گفتوگۆ دەربارەی نوێترین ئامێر و پێشکەوتنە تەکنۆلۆژییەکان، دەبەسترێت.

 

ئاماژە بەوەشدراوە، کە لە پێشانگاکەدا زیاتر لە ٨٠٠ کۆمپانیای تەکنۆلۆژی لە ناوخۆ و دەرەوەی چین و ٩ ڕێکخراوی نێودەوڵەتی بەشدار دەبن، لەوانەش ڕێکخراوی گەشەپێدانی پیشەسازی نەتەوە یەکگرتووەکان (UNIDO) و ڕێکخراوی فیدراسیۆنی جیهانیی بۆ ئەندازیاریی (WFEO).



2 مانگ پێشتر - Sep 15 2020 12:57PM
Print Friendly and PDF
زیاتر
12