تەندروستی

٩٥٥ حاڵەتی نوێ توشبوون بە ڤایرۆسی کۆرۆنا لە هەرێمی کوردستان تۆمارکرا

وەزارەتی تەندروستی هەرێم تۆمارکردنی ٩٥٥ حاڵەتی نوێی توشبوونی بە ڤایرۆسی کۆرۆنا لە هەرێمی کوردستان ڕاگەیاند . ئەمڕۆ ٢٣ی ئەیلول وەزارەتی تەندروستی هەرێمی کوردستان لە راگەیەندراوێکدا رایگەیاندووە لە ماوەی ٢٤ سەعاتی ڕابردودا ٩٥٥ حاڵەتی نوێی توشبوون بە ڤایرۆسی کۆرۆنا لە هەرێمی کوردستان تۆمارکراوە . ئاماژەی بەوەشکردووە ٣٧٠ حاڵەت لە دهۆک، ٢٤٠ حاڵەت لە هەولێر، ١٨٧ حاڵەت لە ڕاپەڕین، ٩٨ حاڵەت لە سلێمانی و ٣٨ حاڵەت لە گەرمیان تۆمارکراوە . وەزارەتی تەندروستی لە ڕاگەیەندراوەکەدا ئەوەشی خستۆتەروو لەماوەی ٢٤ ساعاتی رابردودا ١٩ توشبووی ڤایرۆسی کۆرۆنا گیانیان لەدەستداوە . بەپێی دواین ئامارەکان تا ئێستا ٤٣٣٢٣ حاڵەتی توشبوون بە ڤایرۆسی کۆرۆنا و ٢٧٦٩٨ حاڵەتی چاکبونەوەو ١٥٧٢ مردن لە هەرێمی کوردستان تۆمارکراوە .