تەندروستی

توێژینەوەیەک گرنگی زیاتری چەرەس ئاشکرا دەکات


توێژینەوەیەکی زانستی نوێ تەئکید دەکاتەوە لە گرنگی خواردنی چەرەسی کاڵ (گوێز،گازۆ،بندوق ئەوانەی دیکە) لە پاراستنی مرۆڤ لە توشبوون بە شێرپەنجەی قۆڵۆن، لەگەڵ ئەوەشدا بۆ ئەو کەسانە بەسودە کە توشی شێرپەنجەی قۆڵۆن بوون.
لە توێژینەوەکە ٨٢٦ کەسی نەخۆش بەشداریان تێداکرد، ئەم کەسانە توشبووی شێرپەنجەی قۆڵۆن بوون بەپلە سێ (واتە لەو ئاستەدا بووە کە شێرپەنجە لەلەشیاندا بڵاونەبۆتەوە) لەپاڵ ئەنجامدانی نەشتەرگەری و بەکارھێنانی چارەسەری کیمیایی پەیڕەوی خۆراکێکیان کرد کە زیاتر لە چەرەس پێکھاتبوو) ئەمەش وایکرد ھەلی ڕزگاربوونیان لەم نەخۆشیە زیاتر بکات بەراورد بەو کەسانەی بەکاریان نەدەھێنا.
توێژینەوەکە دڵنیایی دا بەھۆی بەکارھێنانی چەرەس لە پەیڕەوی خۆراکیاندا، نەخۆشەکان توانیویانە لەم نەخۆشیەو مردنی پێش وەخت ڕزگاربن بەراورد بەو کەسانەی ئەم پەیڕەوە خۆراکیەیان نەکردوە.
بەجۆرێک ئەو نەخۆشانەی بەلایەنی کەمەوە ٥٦ گرامیان لە چەرەس ھەفتانە خواردووە مردنی پێشوەختە تیایاندا بە ڕێژەی %٥٧ بەراورد بەو کەسانەی کە نەیاندەخوارد کەمبۆتەوەو مەترسی گەڕانەوەی ئەم شێرپەنجەیە بەڕێژەی %٤٠ کەمیکردوە، وە لەدوای بەکارھێنانی سێ ساڵ لە چارەسەر ڕێژەی ڕزگاربوون لەم نەخۆشیە مەزەندە کرا بە %٧٠.


2 هەفتە پێشتر - Jul 9 2017 3:45PM
Print Friendly and PDF
زیاتر
123