تەندروستی

چەند ھەنگاوێک بۆ ڕزگاربوون لە شەکری لەش


بەکارھێنانی شەکر بە ڕێژەیەکی زۆر ڕۆژانە زیان بە تەندروستی دەگەیەنێت،کۆمەڵەی ئەمریکی بۆ پارێزگاری خۆراک ئاماژە بۆ ئەوە دەکات کە نابێت ڕۆژانە خانمان لە ٦ کەوچکی بچوک زیاتر شەکر بەکاربھێنن،پیاوانیش نابێت لە ٩ کەوچکی بچوک زیاتر بەکاربھێنن.
چونکە بەکارھێنان یاخود زیادەڕەویکردن لە بەکارھێنانی شەکر ھۆکارە بۆ توشبوونی مرۆڤ بە کۆمەڵێک گرفتی تەندروستی لەو گرفتانەش  زیادبوونی ئارەزوی خواردن، زیادبوونی کێش ،نەخۆشیەکانی دڵ،لەگەڵ ھەستکردن بە تەمەڵبوون بە تێپەڕبوونی کات.

ئەمانەش کۆمەڵێک ھەنگاون بۆ ڕزگاربوون لەم گرفتە:

-کەمکردنەوەی شەکر لە خواردندا، پێویستە ھەنگاو بە ھەنگاو ئەم کارە ئەنجام بدرێت بۆ ئەوەی لەش لە گەڵیدا ڕابێت.

خواردنەوە گازیەکان، ئەو شەربەتانەی کە سروشتی نین ،خواردنە دروستکراوەکان،شیرینی سەرجەمیان دەوڵەمەندن بە شەکر.

گرنگیدان بەو خواردنانەی کە کاربۆھیدرات لە پێکھاتەیاندایە وەک: میوە و سەوزەی تازە،برنجی قاوەی.

-ھەندێک تام یاخود بۆن بۆ ناو خواردنەوە گەرم و ساردەکان نموونە : دارچینی،ڤانێلا بەکاربھێنە.

-خواردنی ئەو خۆراکانەی پڕۆتین لە پێکھاتەیاندایە،چونکە ئەم خۆراکانە وا دەکات بۆ ماوەیەکی زۆر ھەست بە تێری بکرێت، بەمەش  ئاستی شەکر لە خوێندا ھاوسەنگ دەبێت ڕێگیریش دەکات لە   دروستبوونی ھەستی برسێتی.

-باشترین ڕێگای نموونەیش بۆ خواردنی خۆراک ئەوەیە کە کەم بخورێت و زوو زووش نان بخورێت،پێویستە پێنج ژەم  خواردن بخورێت بەڵام بە ژەمی کەم، لە پێناو بەدەستھێنانی ھاوسەنگی لە ئاستی شەکردا.

-پابەندبوون بە کەمکردنەوەی شەکر لە خواردندا ئەم سودانەی بۆ لەش ھەیە:

باشبوونی توانا و ھێزی لەش ،ھۆکارێکە بۆ دابەزانی کێشی لەش،باشبوونی خەو،دابەزینی کۆلیستڕۆڵی زیانبەخش،بەدەست ھێنانی ڕوخسارێکی جوان،نەمانی ماندوێتی و بێتاقەتی ، چالاکبوونی جەستە.
وێنە:


3 هەفتە پێشتر - Jul 24 2017 3:07PM
Print Friendly and PDF
زیاتر