تەندروستی

نیشانەکانی توشبوون بە سنگە کوژێ و چۆنێتی خۆپارێزی لێی


سنگە کوژێ یەکێکە لە نەخۆشیە مەترسیدارەکان کە دووچاری مرۆڤ دەبێتەوە ، ھەر بۆیە خۆپارێزی لێی زۆر گرنگە بۆ مرۆڤ،لە گرنگترین نیشانەکانیشی:

١-ھەستکردن بە ئازار لە چەند شوێنێکی جیاوازی لەشدا وەک دەست،مل،شان،پشت، دروستبوونی ئازار لە بەشی چەپی سنگدا.

٢-ھێڵنجدان،ھەستکردن بە بێتاقەتی و بێزاری.

٣-توندبوونی ھەناسە و ئارەقکردنەوەی زۆر.

٤-بێھێزی و بێتوانایی لە ئەنجامدانی کاری ڕۆژانە.

٥-سەرگێژخواردن و نەمانی ھاوسەنگی.

٦-ھەستکردن بە سەرمابوونێکی زۆر لە لەپی دەست ، بنی پێ ، ھەستکردن بە دڵەڕاوکێی زۆر.

٧-گرانی ھەرس.

چۆنێتی خۆپارێزی:

١-وازھێنان لە کێشانی جگەرە، ونزیک نەبوونەوە لەو کەسانەی کە جگەرە دەکێشن ،وەک خۆپارێزیەک لە زیانەکانی دوکەڵی جگەرە.

٢-ئەنجامدانی وەرزش بە شێوەیەکی ڕێک و پێک وەک: مەلەکردن،ڕاکردنێکی ھێواش بۆ ماوەی نیوکاتژمێر ڕۆژانە.

٣-پابەندبوون بە خواردنی خۆراکی تەندروست و کەمچەوری.

٤- خواردنی ئەو خۆراکانەی ڕیشاڵیان تێدایە وەکو میوە ، سەورزەوات ،ھەندێک لە پزیشکانیش ئامۆژگاری دەکەن بە خواردنی بڕێک لە پڕۆتین .

٥-چاودێریکردنی بەردەوامی پەستانی خوێن ، لەکاتی بەرزبوونەوەیدا پێویستە سەردانی پزیشک بکرێت.

٦-پارێزگاریکردن لە کێشێکی نموونەی چونکە قەڵەوی لە ڕادەبەدەر ئەگەری توشبوون بە سنگە کوژێ زیاددەکات.

٧- کۆنتڕۆڵکردنی نەخۆشی شەکرە لەلای ئەو کەسانەی کە توشبوون ،دادەندرێت بە یەکێک لە ھۆکارە سەرەکیەکانی توشبوون بە نەخۆشیەکانی دڵ.

٨-دورکەتنەوە لە قەلەقی و پەستانی دەرونی،چونکە زۆربەی توێژینەوە تازەکان دڵنیای دەدەن قەلەقی ھۆکاری سەرەکیە بۆ توشبوون بە جەڵدەی دڵ ، سنگە کوژێ.

٩-دورکەوتنەوە لە خواردنەوەی کحول و ھاوشێوەکانی ،کحول و ھاوشێوەکانی کاریگەری خراپیان ھەیە لەسەر تەندروستی بەشێوەیەکی گشتی و تەندروستی دڵ و بۆریەکانی خوێن بەشێوەیەکی تایبەتی.

١٠-زیادەڕەوینەکردن لەو خواردنەوانەی کە کافاینیان تیدایە  چونکە زیان بە بۆریەکانی خوێن دەگەیەنێت.


3 هەفتە پێشتر - Aug 28 2017 1:13PM
Print Friendly and PDF
زیاتر