تەندروستی

چەند خۆراکێکی گرنگ پێویستە لە وەرزی پایزدا بخورێن


لەگەڵ ھاتنی وەرزی پایزدا بەھۆی دابەزانی پلەکانی گەرماوە بەگشتی مرۆڤ دووچاری ھەندێک لە نەخۆشی وەک کۆکە،ھەڵامەت و سەرمابوون دەبێتەوە،دەتواندرێت بە سودوەرگرتن لەم کۆمەڵە خۆراکە بەرگری لەش لە وەرزی پایرز دژ بە نەخۆشیاکان زیادبکرێت:

١-کەلەرم: ڕێژەیەکی بەرز لە ڤیتامین "C" و ڕیشاڵ و مادەی گرنگ لە کەلەرمدا ھەیە کە پارێزگاری لە مرۆڤ دەکەن لە توشبوون بە نەخۆشی شێرپەنجە بەتایبەتیش شێرپەنجەی سنگ.

٢-پیازی سور: لەگەڵ ئەوەی فۆسفۆڕ و ئاسن و کالیسیۆمی تێدایە مادەیەکی تێدایە کە بۆ ڕیخۆڵە زۆر بەسودە و مێشکیش بەھێزدەکات پیازی سور لە تواناشیدایە چارەسەری ھەڵوەرینی قژ بکات، بەرگری لەش دژ بە نەخۆشیەکانیش لە وەرزی پایزدا زیاددەکات .

٣-سێو: لە باشترین میوەکانە بەشێوەیەکی گشتی و لە وەرزی پایزدا بەتایبەتی،ئەمەش دەگەڕێتەوە بۆ بوونی ڤیتامین و ڕیشاڵ و دژە ئۆکسان کە ناسراوە بە فلافۆنید لە سێودا مرۆڤ لە توشبوون بە شێرپەنجە،نەخۆشیەکانی دڵ دەپارێزێت، کاریش دەکات بۆ نوێبوونەوەی خانەکانی لەش و سنورێکیش بۆ پیربوون دادەنێت.

٤-ھەنجیر: لەگەڵ ئەوەی تامێکی خۆشی ھەیە ،دەوڵەمەندە بە ڕیشاڵ و کالیسیۆم گرنگیەکەی ھاوتای شیرە ،بەھۆی ئاسانی ھەڵمژینی شەکرەکەی لەلایەن لەشەوە خواردنی بۆ ئەو کەسانە زیان بەخشە کەتوشی نەخۆشی شەکرە بوون.

٥-کولەکەی زەرد:  ڤیتامین "C" و بیتاکارۆتین و ترشی فۆلیکی تێدایە، خواردنی زۆر بەسودە بۆ ڕێگریکردن لە توشبوون بە شێرپەنجە و نەخۆشیەکانی دڵ و دەمارەکان.

ناوکەکەشی دەوڵەمەندە بە زینک و ترشی ئۆمێگا٣ لە توانایدایە پارێزگاری لە مرۆڤ بکات لە توشبوون بە نەخۆشی دڵ.

٦-ھەرمێ: خواردنی ھەرمێ یارمەتیدەرە لە دابەزانی کۆلیستڕۆڵی زیان بەخش و دەشبێتەھۆی ڕێکخستنی ڕێژەی شەکر لە خوێندا.

٧-پەتاتەی شیرین: بیتاکارۆتین و ڤیتامین "C و ڕیشاڵەکانی تێدایە مرۆڤ لە لە سەرمابوون دەپارێزێت ،یارمەتیدەریشە لە باشکردنی کرداری ھەرس،ئەو شەکرەش کە تێیدایەتی بەخاوی لەلایەن لەشەوە ھەڵدەمژێت ھەر بۆیە خواردنی بۆ ئەو کەسانە بەسودە کە توشی نەخۆشی شەکرە بوون.



مانگ پێشتر - Oct 15 2017 2:15PM
Print Friendly and PDF
زیاتر