تەندروستی

خواردنی ماست و لیمۆ پێکەوە پێش خەوتن ئەم سودانەی بۆ لەش ھەیە


ماست و لیمۆ لەتوانایاندایە بەرەنگاری کۆمەڵێک نەخۆشی ببنەوە ،ماست بەکتریا و ئەنزمەکانی تێدایە خواردنی کرداری ھەرس خێرادەکات لە ھەمان کاتیشدا ھەڵمژینی شەکر لەلایەن لەشیشەوە ئاسان دەکات،کەمیشی دەبێتەھۆی تێکچونی ڕیخۆڵە و گرانکردنی کرداری ھەرس.

ماست لە تواناشیدایە چەوری سودبەخش لەلەشدا چالاک بکات و ھۆکارێکیشە بۆ ڕزگارکردنی لەش لە چەوری زیانبەخش.

لیمۆش بەھەمان شێوەی ماست خواردنی کۆمەڵێک سود بە لەش دەگەیەنێت: سەرچاوەی سەرەکی ڤیتامین "C"یە سوتانی چەوری لەلایەن لەشەوە خێرادەکات و کۆئەندامی بەرگریش بەھێزدەکات ، لەتواناشیدایە چارەسەری سەرمابوون بکات،ئەمانەش کۆمەڵێک سودی خواردنی لیمۆ و ماستن پێکەوە:

١-خواردنی ماست و لیمۆ پێکەوە پێش خەوتن چەوری کەڵەکەبوو لە ناوچەی سک لادەبەن،  کرداری سوتانی کالۆری و چەورییش خێرادەکەن.

٢-خواردنی ئەم دوو پێکھاتایە پێش خەوتن یارمەتیدەرە لە بەخشینی خەوێکی ئارام و چالاکردنی مرۆڤ لە بەیانیاندا.

٣-ئەو کالیسیۆمەی کەلە ماستدا ھەیە پارێزگاری لە تەندروستی ئێسک دەکات.

٤-سنورێک بۆ توشبوون بە نەخۆشی قۆڵۆن دادەنێت ، ڕێگریش دەکات لە توشبوونی مرۆڤ بە ھەوکردن، نەخۆشی شەکرە ،دڵ.

٥- پارێزگاری لە جوانی پێست دەکەن و درەوشاوەی پێدەبەخشێت،پێستیش لەو گرفتانە ڕزگاردەکات کە دووچاری دەبێتەوە.

٦-پەستانی خوێن دادەبەزێنن.

٧-ماست و لیمۆ دەبنە ھۆی نەمانی چەوری زیانبەخشی لەش ، یارمەتی دابەزینی کێش لەشیش دەدەن.


هەفتە پێشتر - Nov 12 2017 2:04PM
Print Friendly and PDF
زیاتر