تەندروستی

ھۆکارەکانی ھەستکردن بە سەرمای بەردەوام لە وەرزی زستاندا


ھۆکارەکانی ھەستکردن بە سەرمای بەردەوام لە وەرزی زستاندا:

١-کەمخوێنی: کاتێک لەش نەتوانێت ڕێژەی پێویست لە خانەی خڕۆکەی سوری خورێن  کە ھەڵدەستێت بە گواستنەوەی ئۆکسجین بۆ ھەموو بەشەکانی لەش بەرھەم بھێنێت دووچاری کەمخوێنی -ئەنیمیا دەبێتەوە،بەم ھۆیەشەوە ھەست بەسەر مابوون لە کۆتایی دەست و قاچەکان دەکرێت.

لە گرنگترین نیشانەکانی کەمخوێنیش: ناڕێکی لە لێدانی دڵدا،ھەستکردن بە سەرما،ھیلاکی،زەردبوونی پێست،

٢-ناڕێکی لە غودەی دەرەقی: غودەی دەرەقی گرنگە لە ڕێکخستنی کرداری میتاپۆلیزم لەلەشدا لەم ڕێگایەشەوە پارێزگاری لە تەندروستی مرۆڤ دەکات،کاتێک نەتوانێت ڕێژەی پێویست لە ھۆڕمۆن بەرھەمبھێنێت بەم ھۆیەشەوە کەموکورتی لە غودەی دەرەقیدا دروست دەبێت.

لە گرنگترین نیشانەکانیشی:ھەستکردن بە سەرما،وەرینی قژ،وشکبوونی پێست،ھیلاکی،ناڕێکی سوڕی مانگانە،گرانی ھەرس،زیادبوونی کێش.

٣-بوونی گرفت لە بۆریەکانی خوێندا: لەکاتی ھەستکردن بە سەرما لە دەست و قاچدا لەوانە مرۆڤ توشی گرفت لە بۆریەکانی خوێندا بووبێت، بەم ھۆیەشەوە گرفت بۆ چوونی خوێن بۆ ھەریەکە لە  دەست و قاچ دروست دەبێت.

لە گرنگترین نیشانەکانیشی: جەڵدەی خوێن،ڕەقبوونی دەمارەکان،سپی بوون یاخود شین بوونی پەنجەکانی دەست،مێرولەکردنی دەست و قاچەکان،ھەستکردن بە سەرمای بەردەوام.

٤-نەخۆشی شەکرە: بەگشتی ئەو کەسانەی توشی نەخۆشی شەکرە دەبن گرفت لە گورچیلەکانیاندا دروست دەبێت کە ناسراوە بە "  diabetic nephropathy" نیشانەکانی:  ھەستکردن بەسەرما،ھێڵنجدان و دڵ تێکەڵھاتن،خوران،نەمانی ئارەزوی خواردن،قورس بوونی کرداری ھەناسەدان،ئاوسانی ڕوخسار و قاچ و دەست.

٥-نەمانی ئارەزوی خواردن: ئەو کەسی دووچاری ئەم گرفتە دەبێت دووچاری لاوازی و لەدەستدانی کێش دەبێت. 
لە گرنگترین نیشانەکانی: ھەستکردن بە سەرما،دابەزانی کێش بە شێوەیەکی زۆر،ناڕێکی سوڕی مانگانە.

٦-کەمی ڤیتامین و ئاسنەکان،لە گرنگترین ئەو ڤیتامینانەش: ڤیتامین B١٢ ،ئاسن،مەگنیسیۆم،نیاسین.

بەکورتی ھەستکردنی بەردەوام بە سەرما ئاماژەیە بۆ توشبوون بە یەکێک لەو گرفتانە بۆیە پێویستە ڕاوێژ بە پزیشک بکرێت.


2 هەفتە پێشتر - Nov 27 2017 2:15PM
Print Friendly and PDF
زیاتر