هەمەڕەنگ

زریانەکەی فلۆرێنس زیانێكی زۆری بە بەرهەمە كشتوكاڵیەكان گەیاندووە



بەهۆی لافاوەكەی چەند ڕۆژی ڕابردووی ناوچەی كارۆلینیای ئەمریكا زیانێكی زۆر بە ناوچەكە و بە تایبەتیش بەرهەمە كشتوكاڵیەكان گەیشتووە.

بەپێی ڕاپۆرتە سەرەتاییەكان بێت زریانەكە زیانێكی زۆری بە بەرهەمەكانی وەك تووتن و لۆكە و دانەوێڵە و گەنمەشامی گەیاندووە، لەگەڵ ئەوەشدا بەرپرسانی كارگەی باكوری كارۆلینیا نیگەرانن سەبارەت بە بەروبوومەكانی پەتاتەی شیرین و پاقلەی سودانی و دەترسن ئەوانیش زیانێكی زۆریان بەربكەوێت.

لەبارەی لافاوەكە و زیانەكانی لێپرسراوی كشتوكاڵی باكوری كارۆلینیا "ستیڤ ترۆكسلەر" ئاماژەی بەوەدا كە پێشتر زیان بە دانەوێڵە و بەرهەمە كشتوكاڵیەكەیان نەگەیشتووە، بەڵام لە هەفتەی ڕابردوودا بەهۆی لافاوەكەوە بە ملیار دۆلار زیان بە زەویە كشتووكاڵیەكان و بەرهەمەكانی ناوچەكە گەیشتووە.

شایەنی باسە ناوچەكە بە بەرهەمی تووتن ناسراوە و ساڵانە بەرهەمێكی زۆری هەیە، بەڵام ئەمساڵ زیانەکان بە بڕی 250 بۆ 350 ملیۆن دۆلار خەمڵێنراوە.



3 مانگ پێشتر - Sep 25 2018 4:39PM
Print Friendly and PDF
زیاتر