هەمەڕەنگ

پەیكەری شێری سوور شعر بۆ هەزاران كەس دەخوێنێتەوە


هەرگیز پرسیووتە ئەگەر شێرە مێژووییەكانی "ترافاڵگە سكوێ" ی لەندەن بیانتوانیایە قسە بكەن چیان دەوت؟

لە ئێستادا بەهۆی بەكارهێنانی هونەر و تەكنەلۆژیای زیرەكەوە و لە ژێر ناوی "خواردن بە شێرەكە بدە" شێرە سوورەكەی "ترافاڵگە سكوێ" شعر بۆ ئەو كەسانە دەخوێنێتەوە كە بەلایدا تێپەردەبن. 

بەنووسینی وشەیەك شعرێكت دەست دەكەوێت، ئەمە بیرۆكەی ئەو كارەیە كە لەلایەن دیزاینەر "ئیس دێڤلین" و " گوگڵ ئارت ئاند كەڵچە" وە دانراوە، تێیدا تەكنەلۆژیای زیرەكیان لە بیرۆكەكانیاندا بەكارهێناوە و لە ڕێگەی سكرینێكەوە گەشتیارەكان وشەیەك دەنووسن لە بەرامبەردا لەلایەن شێرەكەوە شعرێكیان سەبارەت بەو وشەیە پێدەدرێت، هەر بەهۆی بیرۆكەكەوە ساڵانە فێستیڤاڵی تایبەت لە ژێرناوی" تكایە خواردن بە شێرەكە بدە" سازدەكرێت.

مەیدانی "ترافاڵگە سكوێ" دەكەوێتە ناوەندی شاری لەندەن و بەناوەندێكی چارەنووس ساز و مێژووی هەژماردەكرێت، دوای 150 ساڵ شێرەكانی سەر ستوونی نێڵسن لە ترافاڵگە سكوێ بە شعر بەخێرهاتنی میوانەكان و گەشتیارەكان دەكەن، ئەم کارەش بۆتە هۆی ڕاكێشانی گەشتیارێكی زۆر بۆ ناوچەكە.



2 هەفتە پێشتر - Oct 6 2018 2:36PM
Print Friendly and PDF
زیاتر