هەمەڕەنگ

یەکێک لە ناوازەترین پاركە سروشتیەكانی جیهان


" یەلۆستۆن ناشناڵ پارك" پاركێكی نەتەوەیی ئەمریكیە و دەكەوێتە ویلایەتەكانی " وایۆمینگ و مۆنتانا و ئیداهۆ"، لە ساڵی 1971 وە دۆزراوەتەوە لەلایەن ویلایەتە یەكگرتووەكانی ئەمریكا  و وەك یەكەمین پاركی نەتەوەیی ئەمریكا و هەموو جیهانیش دیاریكراوە.

ئەم پاركە بە شاخ و ڕووبار و تاڤگە و بوركانەكانی و سروشتە جوانەكەی ناسراوە، یەكێك لە هەرە دیمەنە ناوازەكانی بوونی كانیاوی گەرمە كە بەردەوام ئاوەكەی دەكوڵێت لە هەمانكاتدا دەوروبەری كانیاوەكان بە كۆمەڵە ڕەنگێکی جیاواز داپۆشراوە.

بە پێی توێژینەوە زانستیەكانیش بێت ئەو ڕەنگاو ڕەنگییە دەگەڕێتەوە بۆ ئەو بەكتریاو زیندەوەرە وردانەی لە ناوچەكەدا دەژین، هەروەها بەهۆی پلەی گەرمی ناوچەكە بەشێكی زۆر لە سیستەمە ژینگەییەكانی تێدا ڕوودەدات.

پێشبینی دەكرێت مرۆڤ نزیكەی 11 هەزار ساڵ پێش ئێستا لە ناوچەكەدا ژیابن ماسیان بۆ بژێوی ژیانیان ڕاوكردبێت، لە ئێستاشدا بە سەدان جۆر گیانەوەری شیردەر لە پاركەكەدا دەژین، ساڵانە ژمارەیەكی زۆر گەشتیار سەردانی دەكەن كە ژمارەیان لە 4 هەزارسەردانكەر زیاترە.



مانگ پێشتر - Oct 22 2018 5:51PM
Print Friendly and PDF
زیاتر