هەمەڕەنگ

منداڵێكی حەوت ساڵان خاوەنی زۆرترین داهاتی تۆڕی كۆمەڵایەتی یوتیوبە


منداڵێكی تەمەن ٧ ساڵانی ئەمریكی دەبێتە خاوەنی زۆرترین داهاتی تۆڕی كۆمەڵایەتی یوتیوب، بەپێی ڕاپۆرتێكی گۆڤاری "فۆربس" "ڕیان"ی تەمەن ٧ ساڵ خاوەنی چەناڵی " ڕیان تۆیس ڕێڤیو" ڤیدیۆكانی لە چەناڵە تایبەتیەكەی زۆرترین بینەری هەیە و بۆتە خاوەنی زۆرترین داهاتی ئەو تۆڕە كۆمەڵایەتیە، كە بڕەكەی ٢٢ ملیۆن دۆلاری ئەمریكیە.

جێی ئاماژەیە لە ساڵی ٢٠١٥ وە لەلایەن دایك و باوكیەوە چەناڵی " ڕیان تۆیس ڕیڤیو" بۆ "ڕیان" دروستكراوە، ڤیدیۆكانی ٢٦ ملیار جار سەیركراون و خاوەنی زیاتر لە ١٧ ملیۆن هەوادارە لە چەناڵەكەی خۆی، سەبارەت بە پرسیارێكی كاناڵی "ئێن بی سی" كە بۆچی منداڵان حەز دەكەن سەیری ڤیدیۆكانی ڕیان بكەن، "ڕیان" وتی لەبەرئەوەی ئەو كاری پێكەنیناوی دەكات و دڵی منداڵەكان خۆشدەكات.

جێی ئاماژەیە ڤیدیۆكانی "ڕیان" لە یوتیوب دوای ماوەیەكی كەم لە بڵاوكردنەوەیان بە ملیۆنان بینەر تێپەڕدەكەن، لە ئێستاشدا "ڕیان" بە گەنجترین یوتوبەر هەژماردەكرێت كە توانیویەتی ئەو بڕە زۆرە داهات لە یوتیوب بەدەست بهێنێت، لەبەرئەوەی"ڕیان" هێشتا منداڵە بۆیە ٪١٥ی ئەو پارەیەیی بۆ دەكرێتە هەژماری بانكییەكی تایبەتەوە تا گەورە دەبێت



5 ڕۆژ پێشتر - Dec 6 2018 6:53PM
Print Friendly and PDF
زیاتر