تەندروستی

ڕوسیا یەکەمین ڤاکسینی دژبە کۆرۆنای تۆمارکرد


وڵاتی ڕوسیا یەکەمین ڤاکسینی دژ بە ڤایرۆسی کۆرۆنای تۆمارکردوو وابڕیارە لە ساڵی داهاتودا بۆ هاوڵاتیانی وڵاتەکە بەردەستبێت .

بە پێی هەواڵێکی ماڵپەڕی " سپۆتنیك"ی ڕوسی وەزارەتی تەندروستی ڕوسیا ڕەزامەندی لەسەر ئەو ڤاکسینەی لەلایەن سەنتەری "نیکۆلای گامالیا" بەرهەمێهندراوە دەربڕیووە .

ئەمڕۆ سێ شەممە فلادیمێر پۆتین سەرۆکی ڕوسیا لە کۆنگرەیەکی ڕۆژنامەوانیدا رایگەیاند ڕوسیا یەکەمین ڤاکسینی دژ بە ڤایرۆسی کۆرۆنای تۆمارکردووە .

ئاماژەشی بەوەکردووە ڤاکسینەکە لەسەر کچەکەی تاقیکراوەتەوە ، ئەوکارەش بۆ سەلماندنی سەرکەوتنی ڤاکسینەکە ئەنجامدراوە .
ماڵپەڕە ڕوسییەکە ئەوەشی ئاشکرا کردووە لەسەرەتای ساڵی داهاتودا  ڤاکسینەکە بۆ هاوڵاتیانی وڵاتەکە بەردەستدەبێت و ٢٠ وڵاتیش داواکاریان بۆ کڕینی ڤاکسینەکە پێشکەشی ڕوسیا کردووە .

بەپێی هەواڵێکی ئاژانسی "ڕۆیتەرز" ڤاکسینەکە لەلایەن کۆمپانیای " نیکۆلای گامالیا " بەرهەمهێنراوە و دوومانگ بەر لە ئێستا دەست بە تاقیکردنەوەی لەسەر مرۆڤ کراوە .

لەگەڵ بڵاوبونەوەی ڤایرۆسی کۆرۆنا ڕوسیا وەك وڵاتانی تر دەستی بە بەرهەمهێنانی ڤاکسینی دژبە ڤایرۆسی کۆرۆنا کردووە ئەم ڤاکسینەی سەنتەری گامالیا بەهاوبەشی لەگەڵ وەزارەتی بەرگری وڵاتەکە بەرهەمهێندراوە .


مانگ پێشتر - Aug 11 2020 3:29PM
Print Friendly and PDF
زیاتر
123