نەورۆزی ئەمساڵ لە کۆبانێ

دەقی هۆنراوەکەی لەتیف هەڵمەت:

نەورۆزی ئەمساڵ لە کۆبانێ

گوێ ڕادێرن .. گوێ ڕادێرن

بۆ کورتەی کورتەی هەواڵ:

ئیتر ئاسمان هی کۆترە

نەک فڕۆکەی هەزار باڵ

لەمەودا لە کۆبانێ منداڵ

دەبابە شکاوەکانی تورکیا

لە لووتکەی ئەم چیا و ئەو چیا

بۆ مریشک و جوچکەکان

دەکەن بە کولانە و بە ماڵ

لوولەی تفەنگی جەندرمەی تورک

دەکەن بەنای و بە شمشاڵ

قۆناخی تفەنگی کوردکوژەکان

دەسووتێنین بۆ جەژنی نەورۆزی ئەمساڵ …

ئاڵای کوردستان هەڵدەکرێ

لەسەر هەزاران لووتکە و یاڵ.