كاروانێكی دیكەی ئاوارەكانی سەرێكانی كە لە 363 خیزان پێكهاتوون بەرەو زیدی خۆیان بەڕێكەوتن

هەشتەمین كاروانی ئاوارەكانی سەرێكانی لە كەمپی واشووكانی لە شاری حەسەكە بەرەو ناوچە ڕەسەنەكانی خۆیان لە گوندەكانی سەرێكانی، تەل تەمر و بەڕێكەوتن.

سەرەڕای ئەوەی بڕیار بوو لەم كاروانەدا 370 خێزان بەشدار بن، بەڵام بەهۆی تەواونەكردنی ئامادەكارییەكان لەلایەن چەند خێزانێكەوە، پرۆسەكە بە 363 خێزان ئەنجام درا.

ئەو كۆچبەرانەی لەم كاروانەدا جێیان گرتووە خەڵكی گوندەكانی ئەل مەناجێر، ئەل سۆدا، ئەل سڤێح و ئەل عەریشا، هەروەها گوندەوارەكانی ڕۆژاوای تەل تەمر و زڕگانن.

كۆمیتەی كۆچبەرانی سەرێكانی جەختی لەسەر پێویستیی خێراكردنی پرۆسەكە كردەوە و داوای كرد ژمارەی كاروانەكان و خێزانە گەڕاوەكان زیاتر بكرێت.

تاوەكو ئێستا زیاتر لە 4 هەزار و 500 خێزان لە ئاوارەكانی سەرێكانی گەڕاونەتەوە زێدی خۆیان، لە كاتێكدا هێشتا 10 هەزار ئاوارەی تر لە كەمپەكاندا چاوەڕێی گەڕانەوە دەكەن؛ شایەنی باسە كاروانی حەوتەمیش پێشتر لە 4 و 5ی تشرینی دووەمدا گەڕانەوە زێدی خۆیان.

بافڵ جەلال تاڵەبانی لە کۆڕبەندی نێودەوڵەتیی ستراتیژیی سلێمانی رایگەیاند، = پارتی بێڕێزی کرد بە پەرلەمان و کردی بە شوێنێک بۆ بازرگانیکردن، ئاماژەی بەوەشکرد ئەوەی رویدا بە بێ سزا تێناپەڕێت.

ئەمڕۆ پێنجشەممە، لە سلێمانی کۆڕبەندی نێودەوڵەتی ستراتیژیی سلێمانی بەڕێوەدەچێت و بافڵ جەلال تاڵەبان،ی سەرۆکی یەکێتیی نیشتمانیی کوردستان لە کۆڕبەنەدەکەدا رایگەیاند،  ئەوەی كە لەپەرلەمان روویدا بەتەواوی هەمووشتەكانی تێكدا و ئاڵۆزی كردن.

سەرۆکی یەکێتی ئاماژەی بەوەشکرد پێویستە حكومەتی هەرێم كێشەكانی چارەسەر بكات و دانە بەوەدا نانێت کە لە پەرلەمانی هەرێمی کوردستان رویدا.

بافڵ جەلال تاڵەبانی رایگەیاند، ئەوەی لە پەرلەمانی کوردستان رویدا لە هەرشوێنێکیتر رویبدایە، خەڵکی لەسەر دەخرایە زیندان و ئەمە گەورەترین قەیرانی سیاسییە لە هەرێم.

لە بەشێکی تری قسەکانیدا، سەرۆکی یەکێتی ئەوەشیخستەڕوو، ناكرێـت جیاوازی سیاسی بەتوندوتیژی چارەسەر بكرێت و رەنگە ئەو هەنگاوەی پارتی لە بیر نەکرێت کە لە پەرلەمان کردی.

لەبارەی پرۆژەی روناکیەوە، سەرۆکی یەکێتی جەختیکردووە لەژێر ناوی ئەم پرۆژەیەدا پارەی خەڵک دەخورێت و  چەند بنەماڵەیەک لە رێگەی ئەم پرۆژەیەوە بە ملیۆنان دۆلار قازانج و داهات پەیدا دەکەن، ئەمەش لە کاتێکدایە کە هاووڵاتییان باری  داراییان قورسە.

سەبارەت بە رەوشی سیاسی و پەیوەندییە نێودەوڵەتییەکانیش ناوبراو ئاماژەی بەوە داوە، کە رۆژئاوا بەهەڵە لە رای ئێرانییەکان تێدەگەن و خۆیشی بە هاوپەیمانی دۆناڵذ ترەمپ و ئێرانییەکان دەزانێت.

 

 

کەشناسیی هەرێم رایگەیاند، تارادەیەک ئەم سەرمایە کۆتایی دێت و پلەکانی گەرما یەک بۆ دوو پلە بەرزدەبنەوە  گەرمیانیش بە 19 پلەی سیلیزی گەرمترین ناوچەی هەرێم دەبێت.

ئەمڕۆ پێنجشەممە، بەڕێوەبەرایەتی کەشناسیی و بومەلەرزەزانی هەرێم پێسبینی کەش وهەوای بۆ 48 سەعاتی داهاتوو بڵاوکردەوە و بە گوێرەی پێشبینیەکانیش پلەکانی گەرما بەرزدەبنەوە.

کەشناسیی هەرێم ئاماژەی بەوەکردوە، ئاسمان ساماڵ و پەڵە هەور دەبێت لە ناوچە شاخاوییەکان نیمچە هەور دەبێت و پلەکانی گەرماش بەراورد بە دوێنێ یەک بۆ دوو پلە بەرز دەبنەوە.

لە بارەی کەشی سبەینێشەوە، کەشناسی پێشبینی دەکات پلەکانی گەرما بەراورد بە ئەمڕۆ زیاتر بەرزببنەوە  و تا رادەیەک ئەو شەپۆلە سەرمایەی روی لە هەرێم کردوە نامێنێت.

بەرزترین پلەکانی گەرمای پێشبینیکراو بە پلەی سیلیزی؛

هەولێر: 18 پلەی سیلیزی

پیرمام: 14 پلەی سیلیزی

سلێمانی: 16 پلەی سیلیزی

هەڵەبجە: 16 پلەی سیلیزی

چەمچەماڵ: 17 پلەی سیلیزی

دهۆک: 18 پلەی سیلیزی

زاخۆ: 19 پلەی سیلیزی

گەرمیان: 22 پلەی سیلیزی

حاجی ئۆمەران: 9 پلەی سیلیزی

حكومەتی عیراق بەردەوامە لە رێكارەكان بۆ كۆتایی هێنان بە دۆسیەی چەك لە دەرەوەی دەوڵەت و تا ئێستاش سێ گروپی چەكدار چەكەكانیان بە تەواوەتی رادەستی دەوڵەت كردووە.

باسم بەدری، سەرۆكی دەزگای ئاسایشی نیشتمانی عیراق ، لە كۆڕبەندێكی پەیمانگەی چاتام هاوس لە لەندەن ڕایگەیاند،  پلانی حكومەت بۆ ڕێكخستنەوەی چەك بریتییە لە پچڕاندنی پەیوەندیی نێوان گروپە چەكدارەكان و ئەو لایەنانەی پێشتر فەرمانیان لێوەرگرتوون و تەواوی گروپە چەكدارەكانیش دەخرێنە دەسەڵاتی فەرماندەی گشتیی هێزە چەكدارەكانەوە و بە تەواوی لە ناسنامەی پێشوویان دادەماڵدرێن.

ئاماژەی بەوەشكرد، ئەو گروپانەی چەكەكانیان رادەستی نەكەن، هیچ پێگەیەكیان لەناو حەشدی شەعبیدا نابێت.

لای خۆیەوە، قاسم عەبودی راوێژكاری ئاسایشی نیشتمانی عیراق باسی لەوەكرد، كۆتایی مانگی حوزەیرانی داهاتوو  دوامۆڵەتی كۆتایی هاتنی ئەم دۆسیەیەیە. ئاشكراشی كرد، تا ئێستا پێنج گروپی چەكدار رێككەوتنیان ئیمزا كردووە، كە سێ لەوان چەكەكانیان بە تەواوی رادەستی دەوڵەت كردووە و گفتوگۆ لەگەڵ دوو گروپە چەكدارەكەی تریشدا بەردەوامە.

 

 

 كۆڕبەندی نێودەوڵەتیی ستراتیژیی سلێمانی بە سەرپەرشتی قوباد تاڵەبانی و بە بەشداریی ژمارەیەكی زۆر لە سەركردە سیاسییەكان بەڕێوەدەچێت و دوو رۆژ بەردەوام دەبێت.

ئەمڕۆ پێنجشەممە، بە سەرپەرشتیی قوباد تاڵەبانی و بەشداریی ژمارەیەكی زۆر لە سەركردە سیاسییەكان، بڕیاربەدەستان، دیپلۆماتكاران، فەرماندە سەربازییەكان و توێژەرانی ناوخۆیی و نێودەوڵەتی، كارەكانی كۆڕبەندی ستراتیژیی سلێمانی دەستپێبكات و بۆ ماوەی دوو رۆژ بەردەوام بێت.

بەپێی كارنامەی كۆڕبەندەكە، گفتوگۆ و پانێڵەكانی ئەمساڵ تیشك دەخەنەسەر گرنگترین گۆڕانكارییە جیۆپۆلەتیكی و ئەمنییەكانی رۆژهەڵاتی ناوەڕاست و جیهان، ئاسایش و سەقامگیریی، داهاتووی پەیوەندییە دیپلۆماسییەكان، ئاڵنگاری و دەرفەتەكانی گەشەپێدانی ئابووری لە ناوچەكەدا.

كۆڕبەندی ستراتیژیی سلێمانی بە یەكێك لە سەكۆ دیپلۆماسییە گرنگەكانی ناوچەكە دادەنرێت و پشت بە لیژنەیەكی راوێژكاریی نێودەوڵەتی دەبەستێت كە چەندین كەسایەتیی ناسراوی جیهانی لەخۆدەگرێت، بە ئامانجی رەخساندنی زەمینەیەكی لەبار بۆ دیالۆگ و دۆزینەوەی چارەسەر بۆ قەیرانە هەنووكەییەكان.