کۆمپانیای ئۆپن ئەی ئای (OpenAI) مۆدێلێکی نوێی ژیریی دەستکردی بە ناوی (GPT Rosalind) ڕاگەیاند، کە بەتایبەت بۆ پێشخستنی زانستە زیندەییەکان و بەهێزکردنی تواناکانی توێژینەوەی زانستی پەرەی پێدراوە.
ئەم ژیرییە دەستکردە نوێیە چیمان بۆ ئاساندەکات؟
بەپێی ڕاگەیەندراوەکەی کۆمپانیاکە، زاناکان و توێژەران دەتوانن لە ڕێگەی ئەم مۆدێلەوە:
بە خێرایی ناو داتابەیسە زەبەلاحەکان بگەڕێن و پوختەی نوێترین توێژینەوە زانستییەکان بخوێننەوە.
گریمانەی زانستیی نوێ دروست بکەن و پلانی ورد بۆ تاقیکردنەوەکانیان دابڕێژن.
قۆناغە سەرەتاییەکانی توێژینەوە و دۆزینەوەی دەرمانەکان خێراتر بکەن.
ئەم مۆدێلە ئێستا وەک وەشانێکی تاقیکاری لەناو (ChatGPT) و ئامرازەکانی تری کۆمپانیاکەدا بەردەستە، و کۆمپانیا زەبەلاحەکانی بواری دەرمان وەک (Moderna) و (Amgen) و چەندین دەزگای ئەکادیمیی تر، دەستیان بە بەکارهێنانی کردووە لە کارەکانیاندا بۆ دۆزینەوەی چارەسەری پزیشکی.
مۆدێلێکی نوێی زیرەکیی دەستکرد بۆ دۆزینەوەی دەرمان راگەیەندرا
کوردسات
21:00:00 2026/04/17
(OpenAI) مۆدێلێکی نوێی زیرەکیی دەستکردی بۆ دۆزینەوەی دەرمان راگەیاند و وا چاوەڕوان دەکرێت ئەم هەنگاوە ببێت بە شۆڕشێکی نوێ لە بواری پزیشکیدا.
